- Home
- Pandaigdig
- International Relations
Joly winelcome sa Canada ang Sekretarya ng Ugnayang Panlabas ng Pilipinas
Darating sa Ottawa si PH-DFA Secretary Enrique Manalo sa Mayo 8
Philippine Foreign Affairs Secretary Enrique Manalo, kaliwa, at si Canadian Foreign Affairs Minister Mélanie Joly (archives).
Litrato: Twitter/Melanie Joly
Inanunsyo ni Mélanie Joly, Minister of Foreign Affairs ng Canada, noong Lunes na sasalubungin niya si Enrique Manalo, ang Sekretarya ng Kagawaran ng Ugnayang Panlabas ng Pilipinas, sa Ottawa sa Mayo 8, 2024.
Ang taon na ito ay isang significant milestone para sa Canada at Pilipinas habang ang dalawang bansa ay ipinagdiriwang ang 75 taon ng diplomatikong relasyon. Ang matagal na pagkakaibigan ng dalawang bansa ay pinagtibay ng malakas at matagal na ugnayan ng mga mamamayan nito.
For 75 years, our two countries have enjoyed a long-standing partnership—one that is anchored in generations of dynamic connections between our peoples. I look forward to greeting Secretary Manalo and building on our countries’ robust relationship, which is being furthered through our Indo-Pacific Strategy, for many years to come,
ani Minister Joly.
Pagdating sa progreso na natamo ng bilateral cooperation mula nang ilunsad ang Indo-Pacific Strategy ng Canada noong huling bahagi ng 2022, pag-uusapan nina Minister Joly at Secretary Manalo kung paano iaabante ang kanilang shared priorities, kasama ang pagpapanatili ng kapayapaan sa rehiyon at estabilidad, pagsulong sa demokrasya at rule of law, pagsuporta sa pangmatagalang pag-unlad at kasaganaan at paglaban sa climate change.
Sa kanyang pagbisita, makikipagkita rin si Secretary Manalo kina Mary Ng, Minister of Export Promotion, International Trade and Economic Development, Ahmed Hussen, Minister of International Development, Marc Miller, Minister of Immigration, Refugees and Citizenship at Rechie Valdez, Minister of Small Business.
Hango sa news release ng Global Affairs Canada na isinalin sa Tagalog ni Catherine Dona.
