Air Canada humingi ng tawad sa national chief matapos kunin ng crew ang headdress

Sinabi ng kompanya sa isang pahayag noong Huwebes na sila ay humihingi ng tawad kay National Chief Cindy Woodhouse Nepinak, na sinabi sa social media noong Huwebes na siya ay pinilit na ibigay ang lalagyan na may lamang headdress na dala-dala niya sa cabin ng eroplano.

Hindi ko na hahayaan ang sinuman na kunin muli ang aking headdress o case, ani Woodhouse Nepinak sa isang pampublikong Facebook post, bago sumakay ng ibang flight patungong Montreal.

Kailangan ng Air Canada ang isang protocol para sa First Peoples para hindi kami ma-harass para sa aming sagradong mga pag-aari. Ang aming mga headdress ay hindi dapat isama sa [garbage] bags ng mga airline.

Kinontak ng CBC News si Woodhouse Nepinak, pero siya ay nagbibiyahe pa rin at hindi pa handa na magsalita nang mahaba tungkol sa insidente Huwebes ng gabi.

Sinabi ng national chief na gusto ng staff na ilagay ang kanyang headdress sa cargo storage dahil wala ng espasyo sa cabin, at ang sitwasyon na iyon ay naging tensyonado.

Aniya binantaan ng flight crew ang kanyang staff, at ipinagtanggol siya ng ibang pasahero.

Basahin ang buong istorya rito (bagong window).

Isang artikulo ng CBC News na isinalin sa Tagalog ni Catherine Dona.